Mae Ombwdsmon Gwasanaethau Cyhoeddus Cymru (OGCC) yn ymchwilio i gwynion am wasanaethau cyhoeddus, gan helpu i wneud gwasanaethau’n decach, yn fwy effeithiol ac yn ymatebol i’r bobl y maent yn eu gwasanaethu. Bydd y sesiwn hon yn archwilio sut y gall partneriaethau agosach â mudiadau cynghori ac eiriolaeth ledled Cymru ysgogi newid gwirioneddol mewn gwasanaethau cyhoeddus.

Dewch draw i ddarganfod sut y gall adnoddau, canllawiau a gwasanaethau newydd OGCC gefnogi eich gwaith eich hun yn cynorthwyo’r cyhoedd, a sut y gall eich mewnwelediadau lywio ymchwiliadau i gael yr effaith fwyaf ar gymunedau agored i niwed.