Mae diogelu yn un o swyddogaethau craidd unrhyw fudiad sy’n gweithio gyda phobl a rhaid ei integreiddio ym mhob agwedd o’n gwaith. Bydd y gweithdy hwn yn ysbrydoli mynychwyr i fyfyrio ar eu mudiadau eu hunain a gofyn: a oes gennym ni ddiwylliant diogelu cadarn? Sut gallwn ni fod yn sicr ein bod yn rhannu gwerthoedd sy’n sicrhau bod diogelu’n ganolog i bopeth a wnawn? Gyda’n gilydd, byddwn yn edrych ar sut i osgoi hunanfoddhad a pharhau i fod yn rhagweithiol, gan barhau i ddysgu ac addasu systemau mewn ymateb i heriau newydd. Bydd cyfranogwyr yn gadael gyda’r hyder i fyfyrio ar eu dulliau gweithredu presennol ac i gymryd camau ymarferol i gryfhau diogelu ar draws eu mudiadau.