Ymunwch â Practice Solutions a Fforwm Iechyd Meddwl a Lles Cymru ar gyfer gweithdy wyneb yn wyneb a fydd yn edrych ar sut gall profiad bywyd lunio gwasanaethau gwell, mudiadau cryfach a phrosesau penderfynu mwy ystyrlon ar draws y trydydd sector. Bydd y sesiwn yn tynnu sylw at gyhoeddiad y canllawiau cenedlaethol newydd ar gyd-gynhyrchu a gomisiynwyd gan Lywodraeth Cymru a’r hyn y mae’n ei olygu yn ymarferol i’r trydydd sector. Gan ystyried taith y Fforwm ac enghreifftiau ymarferol o bob cwr o Gymru, byddwn yn edrych ar sut i gymhwyso’r canllawiau drwy ddiwylliant, arweinyddiaeth, cyllidebau a phrosesau penderfynu a rennir, gan helpu cyfranogwyr i droi egwyddorion yn weithredu ymarferol.