Datblygwyd Egwyddorion Llywodraethu Buddsoddi Elusennau gan elusennau ar gyfer elusennau, gyda mewnbwn gan grŵp llywio gan gynnwys CGGC a dros 100 o elusennau ledled Cymru. Mae’r Egwyddorion ar gael yn Gymraeg a Saesneg, ac maent yn nodi’r arfer gorau ar gyfer ymddiriedolwyr, staff ac aelodau pwyllgorau buddsoddi, gan gynnwys arweinyddiaeth, gwneud penderfyniadau ac effeithiolrwydd.

P’un a yw eich elusen eisoes yn dal buddsoddiadau neu’n dechrau meddwl amdanynt, mae’r sesiwn hon yn fan ymarferol a chroesawgar er mwyn mynd i’r afael â’r Egwyddorion. Byddwch yn gadael gyda dealltwriaeth gliriach o’ch cyfrifoldebau llywodraethu a’r hyder i gymhwyso’r Egwyddorion mewn ffordd sy’n gweithio i’ch elusen chi.