Mae bygythiadau seiber yn esblygu’n gyflym ac mae AI yn eu gwneud yn fwy soffistigedig nag erioed. Mae’r sesiwn hon, a gyflwynir gan y Tîm Seiber yn Uned Troseddau Cyfundrefnol Rhanbarthol Tarian (tîm amlddisgyblaethol o swyddogion heddlu a staff o luoedd De Cymru, Gwent a Dyfed-Powys) yn rhoi darlun cyfredol i fudiadau’r sector gwirfoddol o’r dirwedd o ran y bygythiad seiber presennol a’r hyn y mae’n ei olygu iddynt. Byddwch hefyd yn clywed gan Gydlynydd AI Tarian ynghylch rôl gynyddol AI mewn risg seiber. Gyda’i gilydd, byddant yn rhoi mewnwelediad ymarferol i helpu eich mudiad i gryfhau ei amddiffynfeydd, gwneud penderfyniadau gwell, a diogelu’r bobl a’r cymunedau y mae’n eu gwasanaethu.