Digwyddiad a drefnir gan CGGC yw gofod3 mewn cydweithrediad â’r sector gwirfoddol yng Nghymru.

Waeth a ydych chi’n ymddiriedolwr, yn aelod staff, yn wirfoddolwr neu’n bob un o’r rhain, mae gofod3 wedi’i gynllunio’n arbennig ar gyfer pobl sy’n ymwneud â mudiadau gwirfoddol Cymraeg.

Caeth gofod3 ei sefydlu’n gyntaf yn ystod gwanwyn 2017 fel digwyddiad undydd, blynyddol yng Nghaerdydd.

Ym mis Mehefin, daethom â gofod3 yn ôl fel digwyddiad wyneb yn wyneb am y tro cyntaf ers cyn y pandemig. Ar ôl dychwelyd yn llwyddiannus i’n fformat gwreiddiol, mae’n bleser gennym gyhoeddi y bydd gofod3 yn ôl yn 2025, ar 2 Gorffennaf 2025 yn Stadiwm Dinas Caerdydd.

gofod3 yw lle mae'r sector gwirfoddol yn dod at ei gilydd

Mae gofod3 yn dod â’r sector gwirfoddol at ei gilydd i ddysgu oddi wrth ei gilydd ac i ysbrydoli ei gilydd. Rydym yn rhoi llwyth o gyfleoedd i chi rwydweithio â’ch cymheiriaid o bob rhan o’r sector gwirfoddol, yn ogystal â chwrdd â chydweithwyr o’r sectorau cyhoeddus a phreifat a sgwrsio â nhw yn ein marchnad brysur.