Hygyrchedd a chynhwysiant yn gofod3
Roedd y digwyddiad yma i bawb, yn gofod3 roedden yn gwneud mwy na derbyn gwahaniaeth, roedden ni’n ei ddathlu ac yn ei gefnogi. Roedden ni eisiau i bawb, waeth beth yw eu hil, crefydd, cyfeiriadedd rhywiol, anabledd, anghenion beichiogrwydd, oedran, statws priodasol neu hunaniaeth rhywedd, deimlo eu bod yn cael eu gwerthfawrogi a’u cynnwys ym mhrofiad gofod3. Nid oedd ymddygiad camdriniol yn cael ei ganiatáu yn y digwyddiad.
Rydyn ni’n credu bod cydraddoldeb, amrywiaeth a chynhwysiant yn hanfodol ar gyfer cymdeithas gref a bywiog. Roedd gofod3 i bawb ac isod mae rhestr o bethau oedd gennym ni yn eu lle i sicrhau eich bod chi wedi cael profiad croesawgar, diogel a saff yn gofod3.
Os oes gennych chi unrhyw gwestiynau pellach, os oes angen rhagor o wybodaeth arnoch neu os oes ffyrdd eraill y gallwn ni eich cefnogi mewn digwyddiadau yn y dyfodol, rhowch wybod i ni. Gallwch siarad â ni ar 0300 111 0124 neu gallwch gysylltu â Wendy Gilbert [email protected].
YN Y LLEOLIAD
Mynediad a chyfleusterau
- Roedd lleoedd parcio am ddim a mannau parcio wedi’u dyrannu i bobl anabl.
- Roedd y lleoliad yn gwbl hygyrch i ddefnyddwyr cadeiriau olwyn.
- Roedd toiledau hygyrch ar gael ar bob llawr.
- Roedd system dolen glyw ar gael yn theatr gofod3.
- Roedd seddau ar gael ar gyfer pob gweithdy, a nifer cyfyngedig o seddau yn ardal y farchnad.
- Roedd croeso i anifeiliaid gwasanaethu yn y digwyddiad.
Iaith a chyfieithu ar y pryd
- Roedd gwasanaeth cyfieithu ar y pryd Cymraeg yn cael ei ddarparu yn y digwyddiad. Roedd adnoddau’n ddwyieithog.
- Roedd deunyddiau o’r gynhadledd ar gael mewn fformatau eraill, e.e. Braille.
- Roedd gennym gyfieithydd Iaith Arwyddion Prydain (BSL) yn gofod3.
Ystafell weddïo a mannau tawel
- Roedd ystafell weddïo yn cael ei darparu yn y lleoliad.
- Roedd yna ystafell dawel ar wahân yn cael ei darparu ar gyfer unrhyw un oedd angen ychydig o dawelwch a lle i fyfyrio neu angen ychydig o breifatrwydd i fwydo baban.
Alergeddau a gofynion deietegol
- Roedd te, coffi a dŵr am ddim yn gofod3.
- Roedd bwyd ar gael i’w brynu, gan gynnwys opsiwn llysieuol/figan, ac roedd nifer o fannau gwerthu bwyd ger y lleoliad. Roedd hefyd croeso i chi ddod â’ch bwyd eich hun.
Eich rhagenwau
- I’r rheini a hoffai, roedden yn annog pobl i ychwanegu eu rhagenwau dewisol at eu bathodyn enw ar y diwrnod.
Argyfyngau neu gymorth
- Os oedd angen cymorth ychwanegol arnoch yn y digwyddiad, roedd staff CGGC ar gael i’ch cefnogi ac yn hawdd eu hadnabod o’r crysau-t gofod3 coch a’r laniardiau y roedd yn eu gwisgo.
- Mewn argyfwng, byddai staff CGGC neu staff Stadiwm Dinas Caerdydd wedi cael gwybod a byddent wedi cysylltu â swyddogion cymorth cyntaf neu'r gwasanaethau brys.
EIN GWEFAN
Mae’r wefan hon wedi’i dylunio i fod mor hygyrch a hawdd ei defnyddio â phosibl. Rhowch wybod i ni os oes angen gwybodaeth ar fformat gwahanol.
