Pam mynychu?

gofod3 yw’r digwyddiad mwyaf o’i fath i’r sector gwirfoddol yng Nghymru.

gofod3 yw eich gofod unigryw chi.

Waeth a ydych chi’n ymddiriedolwr, yn aelod staff, yn wirfoddolwr neu’n bob un o’r rhain, dyma’ch gofod chi i fyfyrio, dysgu a chynllunio ar gyfer y dyfodol.

Dyma’ch gofod chi i bwyso a mesur a meddwl am y pethau sy’n bwysig i chi.

Rhannu storïau
Cyfleoedd i rannu eich profiadau gyda chyd-fynychwyr mewn amgylchedd agored, hamddenol.
Byw a gweithio’n dda
Mewn byd lle mae’r llinell rhwng gwaith a gartref yn fwy aneglur nag erioed, edrychwch ar ffyrdd o gael cydbwysedd iach.
Dysgwch am y sector
Bydd sbotolau yn cael ei belydru ar waith gwerthfawr y sector gwirfoddol ledled Cymru; dewch i weld beth y mae cymheiriaid wedi’i gyflawni.

Dyma’ch gofod chi i ddysgu sgiliau a gwybodaeth newydd i’ch helpu i lywio eich hun ac eraill drwy faes anghyfarwydd.

Dosbarthiadau meistr dan arweiniad arbenigwyr
Wedi’u dylunio i roi offer, gwybodaeth a sgiliau newydd i chi ar amrediad o bynciau, gan gynnwys arweinyddiaeth, cyllid, gwirfoddoli a digidol.
Gweithdai rhyngweithiol
Dewch i sgwrsio â’ch cymheiriaid, i rannu syniadau a chwalu rhwystrau er mwyn goresgyn heriau er budd eich mudiad a’ch datblygiad personol.
Amrediad eang o bynciau a thrafodaethau
Waeth a ydych chi eisiau denu mwy o gyllid, gwella eich arferion gweithio, trafod y datblygiadau diweddaraf i’r sector neu edrych ar ddulliau gweithredu newydd, mae rhywbeth i bawb.

Dyma’ch gofod chi i ddechrau ar eich cynlluniau, er mwyn sicrhau bod eich mudiad nid yn unig yn dod drwyddi, ond ei fod hefyd yn ffynnu

Cael eich ysbrydoli
Sesiynau ysbrydoledig o bob rhan o Gymru i helpu i oresgyn heriau, rhoi pethau newydd a ddysgwyd ar waith a llunio strategaethau sy’n edrych tuag at y dyfodol.
Gwneud cysylltiadau gwerthfawr
Cysylltwch â chymheiriaid, gweld pobl sy’n esiampl, cwrdd â mentoriaid a chreu cynlluniau ar gyfer y dyfodol gyda’n gilydd.
Gofyn cwestiynau heriol
Manteisiwch ar y cyfle i herio ein siaradwyr a’n haelodau panel ar y materion sy’n bwysig i chi.

YNGLŶN Â GOFOD3

Digwyddiad a drefnir gan CGGC yw gofod3, mewn cydweithrediad â’r sector gwirfoddol yng Nghymru

Waeth a ydych chi’n ymddiriedolwr, yn aelod staff, yn wirfoddolwr neu’n bob un o’r rhain, mae gofod3 wedi’i ddylunio’n benodol i bobl sy’n gysylltiedig â mudiadau gwirfoddol yng Nghymru.

Cafodd gofod3 ei sefydlu’n gyntaf yn ystod gwanwyn 2017 fel digwyddiad undydd, blynyddol yng Nghaerdydd

Ar ôl gorfod canslo’r digwyddiad yn 2020 oherwydd y pandemig, gwnaethon ni gynnal gofod3 fel gŵyl wythnos o hyd ar-lein yn 2021 a 2022 ac rydyn ni wedi bod yn cynnal cyfres o ddigwyddiadau bach gofod3 yn ystod hydref a gaeaf 2023/2024.

gofod3 yw lle mae'r sector gwirfoddol yn dod at ei gilydd

Nod gofod3 o’r cychwyn cyntaf oedd dod â’r sector gwirfoddol ynghyd i ddysgu o’i gilydd ac ysgogi ei gilydd, felly rydyn ni wrth ein boddau ein bod yn dychwelyd i ddigwyddiad wyneb yn wyneb yn 2024.

WYTHNOS GWIRFODDOLWYR 2024

Eleni, mae’r Wythnos Gwirfoddolwyr yn 40 mlwydd oed! Bydd gofod3 yn cael ei gynnal ar 5 Mehefin 2024, yn agos at ddechrau’r Wythnos Gwirfoddolwyr, a bydd y rhaglen yn adlewyrchu hyn gyda digonedd o ddathlu gwirfoddoli yng Nghymru a thrafod arferion da.