Mae cynnal digwyddiad yn gofod3 yn ffordd gost-effeithiol o gyrraedd cynulleidfa amrywiol. Waeth a ydych chi’n gobeithio trefnu trafodaeth banel, gweithdy, grŵp ffocws, prif anerchiad neu lansio ymgyrch, dyma’r gofod i chi.

Rydym eisiau sicrhau eich bod yn manteisio i’r eithaf ar gofod3 a bod y digwyddiad nid yn unig yn bodloni eich disgwyliadau, ond yn mynd y tu hwnt iddynt.

Rydyn ni’n chwilio am ddigwyddiadau a fydd yn annog ffyrdd gwahanol o weithio, yn ennyn trafodaeth ac yn ysgogi newid, felly yn hytrach na dyrannu lleoedd ar sail y cyntaf i’r felin, rydyn ni’n chwilio am ddigwyddiadau a fydd yn cyfrannu at wneud gofod3 y gorau y gall fod i ymwelwyr.

Codir tâl yr awr ar ofod ar gyfer digwyddiad, ond rydyn ni’n hyblyg o ran hyd digwyddiadau. Os oes angen slot hirach arnoch neu os hoffech ychwanegu opsiynau arlwyo, cysylltwch â ni ar 0300 111 0124 neu [email protected] i drafod cyn cyflwyno eich ffurflen gais.

I wneud cais am ofod ar gyfer digwyddiad yn gofod3, llenwch y cais erbyn 12 Chwefror 2026. (Noder: ni fydd ceisiadau anghyflawn yn cael eu hystyried).

Byddwn yn eich hysbysu o ganlyniad eich cais yn ystod yr wythnos sy’n dechrau 17 Mawrth 2025.Er y byddwn yn gwneud ein gorau glas i ddyrannu’r ystafell fwyaf addas i’ch digwyddiad o ran maint a gosodiad, mae’n bosibl na fyddwn yn gallu bodloni pob cais oherwydd y mannau cyfyngedig sydd ar gael.

Bydd pawb sydd yn bwcio gofod ar gyfer digwyddiad yn cael:

• sylw yn yr arweinlyfr digwyddiadau yn hysbysebu digwyddiad eich mudiad
• enw eich mudiad a dolen gyswllt ar wefan gofod3 a chyhoeddusrwydd cyffredinol ar gyfer eich digwyddiad
• cyfieithu ar y pryd (Cymraeg/Saesneg) os oes angen
• pecyn AV llawn, gan gynnwys gliniadur a sgrin
• cymorth gyda chofrestru a gyda rheoli’r rhestr gyfranogwyr ar y dydd

Ystafelloedd

• Bach – hyd at 12. Gwych ar gyfer sesiynau mwy ymarferol ac ennyn sgyrsiau. Gweithio’n dda ar gyfer grwpiau ffocws a gweithdai
• Canolig – 25 - 30. Gwych ar gyfer trafodaethau panel, neu ddiweddariadau polisi arbenigol
• Mawr – 40 - 50. Gwych ar gyfer trafodaethau panel

Dod o bellach i ffwrdd?

Noder: Bydd Caerdydd yn brysur tu hwnt yn ystod wythnos gofod3, gyda llawer o ddigwyddiadau yn cael eu cynnal ar hyd a lled y ddinas. I wneud eich taith mor llyfn â phosibl, argymhellwn yn gryf eich bod yn archebu eich llety’n gynnar.

Mae’r ffioedd ar gyfer lleoedd arddangos yn seiliedig ar faint yr ystafell. Mae capasiti’r ystafelloedd yn amrywio o fannau llai i tua 10 cynrychiolydd i ystafelloedd mwy i hyd at 40-50 o gynrychiolwyr.

Bartner sector gwirfoddol

• Ystafell fach: £220 + TAW
• Ystafell ganolig: £270 + TAW
• Ystafelloedd mwy o faint: Rhwng £315 - £360 + TAW

Ddim yn siŵr a ydych chi'n Bartner Sector Gwirfoddol gydag CGGC? Gwiriwch yma.

Partner ymgysylltiedig

• Ystafell fach: £449 +TAW
• Ystafell ganolig: £481 + TAW
• Ystafelloedd mwy o faint: Rhwng £560- £664 + TAW

Eraill

• Ystafell fach: £473 + TAW
• Ystafell ganolig: £506 + TAW
• Ystafelloedd mwy o faint: Rhwng £589 - £699 + TAW

Archebwch eich gofod digwyddiad (mae archebion bellach ar gau)

Cysylltwch â’r tîm digwyddiadau gydag unrhyw gwestiynau: [email protected]

Mae gofod3 yn ddigwyddiad unigryw a fydd yn gweld ymwelwyr o’r sector gwirfoddol yn dod ynghyd i siarad am y materion sydd o bennaf bwys iddynt.

Mae hwn yn gyfle prin i chi gael eich brand wedi’i weld gan arweinwyr yn y sector gwirfoddol.

Dysgwch fwy am gyfleoedd noddi yn gofod3 2025